आयो-आयो जेठ असाढो़ इण देश।
हाली सुधारण लागा खेत।
चौखी लाग रही ओ सीधी-सरिखी रेत।
रिमझिम बरसण लागो मेष।
ऊंटों सु बोयो ओ प्यारो-प्यारो खेत।
देख मानखा तीजे दिन
ओ हरो-भरो है खेत।
लहर-लहर-लहरावे
ओ मरुधरा रा खेत।
सावन रो महिनों आयो
सब लोगों रे भायो।
इण महिने में हरियाली तीज।
खेत में लागण लागा,
फूल-फली और बीज।
भाद्रवे रो महिनों आयो,
घणों जोर इंदर लायो।
अगलो महिनों काति आयो,
दिपावली रा दिनड़ा लायो।
कार्तिक महीने फसल कटाई,
हर-घर में खुशियां छाई।
0 Comments